Ganacka

Zwischn Gäubodn - und dem Isartal
Do liegt so schö - und ideal

Mei Heimatdoaf Ganacka - seit ganz langa Zeit
Im Herzn vo Niederbayern - bekannt weit und breit

St. Leonhard, unsa Kircha - grüaßt weit ins Land
Mit da schwaarn, eisern Kettn - do iss guat bekannt

Man konn schöne Häusa - und Bauernhöf sehgn   
Betriebe und Gschäfta - ghörn aa zum Dorflebn

De Gsoischaft wiad no - in de Wirtshäusa pflegt
Aaf Gmüatlichkeit aa no - aa groußa Wert glegt

D`Voreine schau´n - dass se kulturell no wos rüaht
Do is s´ganz Jahr wos los - so wia ses gebüaht

De Leut san do scho - aus an ganz bsondern Holz
Natürle und freundle - und mitn richtign Stoiz

Ja des Doaf is mei Heimat - do bin i geboan
Und bin owei gern - in dem schön Fleckerl dahoam

Drum is füa mi oans - soibstvoständle ganz klar
Dass schö is und gmütle,
bei uns z`Ganacka !